Psalterium · Vulgata Clementina
Salmo 72
Quam bonus Israël Deus
Numeração da Vulgata · Sl 72 (73 na numeração hebraica)
Coro I à esquerda · Coro II recuado
marcas de salmodia em revisão
versículo 1: Quam bonus Israël Deus, his qui recto sunt corde!
versículo 2: Mei autem pene moti sunt pedes, pene effusi sunt gressus mei:
versículo 3: quia zelavi super iniquos, pacem peccatorum videns.
versículo 4: Quia non est respectus morti eorum, et firmamentum in plaga eorum.
versículo 5: In labore hominum non sunt, et cum hominibus non flagellabuntur.
versículo 6: Ideo tenuit eos superbia; operti sunt iniquitate et impietate sua.
versículo 7: Prodiit quasi ex adipe iniquitas eorum; transierunt in affectum cordis.
versículo 8: Cogitaverunt et locuti sunt nequitiam; iniquitatem in excelso locuti sunt.
versículo 9: Posuerunt in cælum os suum, et lingua eorum transivit in terra.
versículo 10: Ideo convertetur populus meus hic, et dies pleni invenientur in eis.
versículo 11: Et dixerunt: Quomodo scit Deus, et si est scientia in excelso?
versículo 12: Ecce ipsi peccatores, et abundantes in sæculo obtinuerunt divitias.
versículo 13: Et dixi: Ergo sine causa iustificavi cor meum, et lavi inter innocentes manus meas,
versículo 14: et fui flagellatus tota die, et castigatio mea in matutinis.
versículo 15: Si dicebam: Narrabo sic; ecce nationem filiorum tuorum reprobavi.
versículo 16: Existimabam ut cognoscerem hoc; labor est ante me:
versículo 17: donec intrem in sanctuarium Dei, et intelligam in novissimis eorum.
versículo 18: Verumtamen propter dolos posuisti eis; deiecisti eos dum allevarentur.
versículo 19: Quomodo facti sunt in desolationem? subito defecerunt: perierunt propter iniquitatem suam.
versículo 20: Velut somnium surgentium, Domine, in civitate tua imaginem ipsorum ad nihilum rediges.
versículo 21: Quia inflammatum est cor meum, et renes mei commutati sunt;
versículo 22: et ego ad nihilum redactus sum, et nescivi:
versículo 23: ut iumentum factus sum apud te, et ego semper tecum.
versículo 24: Tenuisti manum dexteram meam, et in voluntate tua deduxisti me, et cum gloria suscepisti me.
versículo 25: Quid enim mihi est in cælo? et a te quid volui super terram?
versículo 26: Defecit caro mea et cor meum; Deus cordis mei, et pars mea, Deus in æternum.
versículo 27: Quia ecce qui elongant se a te peribunt; perdidisti omnes qui fornicantur abs te.
versículo 28: Mihi autem adhærere Deo bonum est; ponere in Domino Deo spem meam: ut annuntiem omnes prædicationes tuas in portis filiæ Sion.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.