Salmo 76

2versículo 2: Voce mea ad Dominum clamavi; voce mea ad Deum, et intendit mihi.

3versículo 3: In die tribulationis meæ Deum exquisivi; manibus meis nocte contra eum, et non sum deceptus. Renuit consolari anima mea;

4versículo 4: memor fui Dei, et delectatus sum, et exercitatus sum, et defecit spiritus meus.

5versículo 5: Anticipaverunt vigilias oculi mei; turbatus sum, et non sum locutus.

6versículo 6: Cogitavi dies antiquos, et annos æternos in mente habui.

7versículo 7: Et meditatus sum nocte cum corde meo, et exercitabar, et scopebam spiritum meum.

8versículo 8: Numquid in æternum proiiciet Deus? aut non apponet ut complacitior sit adhuc?

9versículo 9: aut in finem misericordiam suam abscindet, a generatione in generationem?

10versículo 10: aut obliviscetur misereri Deus? aut continebit in ira sua misericordias suas?

11versículo 11: Et dixi: Nunc cœpi; hæc mutatio dexteræ Excelsi.

12versículo 12: Memor fui operum Domini, quia memor ero ab initio mirabilium tuorum:

13versículo 13: et meditabor in omnibus operibus tuis, et in adinventionibus tuis exercebor.

14versículo 14: Deus, in sancto via tua: quis deus magnus sicut Deus noster?

15versículo 15: Tu es Deus qui facis mirabilia: notam fecisti in populis virtutem tuam.

16versículo 16: Redemisti in brachio tuo populum tuum, filios Iacob et Ioseph.

17versículo 17: Viderunt te aquæ, Deus; viderunt te aquæ, et timuerunt: et turbatæ sunt abyssi.

18versículo 18: Multitudo sonitus aquarum; vocem dederunt nubes. Etenim sagittæ tuæ transeunt;

19versículo 19: vox tonitrui tui in rota. Illuxerunt coruscationes tuæ orbi terræ; commota est, et contremuit terra.

20versículo 20: In mari via tua, et semitæ tuæ in aquis multis, et vestigia tua non cognoscentur.

21versículo 21: Deduxisti sicut oves populum tuum, in manu Moysi et Aaron.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.