Psalterium · Vulgata Clementina
Salmo 78
Deus, venerunt gentes in hæreditatem tuam
Numeração da Vulgata · Sl 78 (79 na numeração hebraica)
Coro I à esquerda · Coro II recuado
marcas de salmodia em revisão
versículo 1: Deus, venerunt gentes in hæreditatem tuam; polluerunt templum sanctum tuum; posuerunt Ierusalem in pomorum custodiam.
versículo 2: Posuerunt morticina servorum tuorum escas volatilibus cæli; carnes sanctorum tuorum bestiis terræ.
versículo 3: Effuderunt sanguinem eorum tamquam aquam in circuitu Ierusalem, et non erat qui sepeliret.
versículo 4: Facti sumus opprobrium vicinis nostris; subsannatio et illusio his qui in circuitu nostro sunt.
versículo 5: Usquequo, Domine, irasceris in finem? accendetur velut ignis zelus tuus?
versículo 6: Effunde iram tuam in gentes quæ te non noverunt, et in regna quæ nomen tuum non invocaverunt:
versículo 7: quia comederunt Iacob, et locum eius desolaverunt.
versículo 8: Ne memineris iniquitatum nostrarum antiquarum; cito anticipent nos misericordiæ tuæ, quia pauperes facti sumus nimis.
versículo 9: Adiuva nos, Deus salutaris noster, et propter gloriam nominis tui, Domine, libera nos: et propitius esto peccatis nostris, propter nomen tuum.
versículo 10: Ne forte dicant in gentibus: Ubi est Deus eorum? et innotescat in nationibus coram oculis nostris ultio sanguinis servorum tuorum qui effusus est.
versículo 11: Introëat in conspectu tuo gemitus compeditorum; secundum magnitudinem brachii tui posside filios mortificatorum:
versículo 12: et redde vicinis nostris septuplum in sinu eorum; improperium ipsorum quod exprobraverunt tibi, Domine.
versículo 13: Nos autem populus tuus, et oves pascuæ tuæ, confitebimur tibi in sæculum; in generationem et generationem annuntiabimus laudem tuam.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.