Psalterium · Vulgata Clementina
Salmo 79
Qui regis Israël, intende
Numeração da Vulgata · Sl 79 (80 na numeração hebraica)
Coro I à esquerda · Coro II recuado
marcas de salmodia em revisão
versículo 2: Qui regis Israël, intende; qui deducis velut ovem Ioseph. Qui sedes super cherubim, manifestare
versículo 3: coram Ephraim, Beniamin, et Manasse. Excita potentiam tuam, et veni, ut salvos facias nos.
versículo 4: Deus, converte nos, et ostende faciem tuam, et salvi erimus.
versículo 5: Domine Deus virtutum, quousque irasceris super orationem servi tui?
versículo 6: cibabis nos pane lacrimarum, et potum dabis nobis in lacrimis in mensura?
versículo 7: Posuisti nos in contradictionem vicinis nostris, et inimici nostri subsannaverunt nos.
versículo 8: Deus virtutum, converte nos, et ostende faciem tuam, et salvi erimus.
versículo 9: Vineam de Ægypto transtulisti: eiecisti gentes, et plantasti eam.
versículo 10: Dux itineris fuisti in conspectu eius; plantasti radices eius, et implevit terram.
versículo 11: Operuit montes umbra eius, et arbusta eius cedros Dei.
versículo 12: Extendit palmites suos usque ad mare, et usque ad flumen propagines eius.
versículo 13: Ut quid destruxisti maceriam eius, et vindemiant eam omnes qui prætergrediuntur viam?
versículo 14: Exterminavit eam aper de silva, et singularis ferus depastus est eam.
versículo 15: Deus virtutum, convertere, respice de cælo, et vide, et visita vineam istam:
versículo 16: et perfice eam quam plantavit dextera tua, et super filium hominis quem confirmasti tibi.
versículo 17: Incensa igni et suffossa, ab increpatione vultus tui peribunt.
versículo 18: Fiat manus tua super virum dexteræ tuæ, et super filium hominis quem confirmasti tibi.
versículo 19: Et non discedimus a te: vivificabis nos, et nomen tuum invocabimus.
versículo 20: Domine Deus virtutum, converte nos, et ostende faciem tuam, et salvi erimus.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.