Psalterium · Vulgata Clementina
Salmo 82
Deus, quis similis erit tibi
Numeração da Vulgata · Sl 82 (83 na numeração hebraica)
Coro I à esquerda · Coro II recuado
marcas de salmodia em revisão
versículo 2: Deus, quis similis erit tibi? ne taceas, neque compescaris, Deus:
versículo 3: quoniam ecce inimici tui sonuerunt, et qui oderunt te extulerunt caput.
versículo 4: Super populum tuum malignaverunt consilium, et cogitaverunt adversus sanctos tuos.
versículo 5: Dixerunt: Venite, et disperdamus eos de gente, et non memoretur nomen Israël ultra.
versículo 6: Quoniam cogitaverunt unanimiter; simul adversum te testamentum disposuerunt:
versículo 7: tabernacula Idumæorum et Ismahelitæ, Moab et Agareni,
versículo 8: Gebal, et Ammon, et Amalec; alienigenæ cum habitantibus Tyrum.
versículo 9: Etenim Assur venit cum illis: facti sunt in adiutorium filiis Lot.
versículo 10: Fac illis sicut Madian et Sisaræ, sicut Iabin in torrente Cisson.
versículo 11: Disperierunt in Endor; facti sunt ut stercus terræ.
versículo 12: Pone principes eorum sicut Oreb, et Zeb, et Zebee, et Salmana: omnes principes eorum,
versículo 13: qui dixerunt: Hæreditate possideamus sanctuarium Dei.
versículo 14: Deus meus, pone illos ut rotam, et sicut stipulam ante faciem venti.
versículo 15: Sicut ignis qui comburit silvam, et sicut flamma comburens montes,
versículo 16: ita persequeris illos in tempestate tua, et in ira tua turbabis eos.
versículo 17: Imple facies eorum ignominia, et quærent nomen tuum, Domine.
versículo 18: Erubescant, et conturbentur in sæculum sæculi, et confundantur, et pereant.
versículo 19: Et cognoscant quia nomen tibi Dominus: tu solus Altissimus in omni terra.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.