Psalterium · Vulgata Clementina
Salmo 83
Quam dilecta tabernacula tua, Domine virtutum
Numeração da Vulgata · Sl 83 (84 na numeração hebraica)
Coro I à esquerda · Coro II recuado
marcas de salmodia em revisão
versículo 2: Quam dilecta tabernacula tua, Domine virtutum!
versículo 3: Concupiscit, et deficit anima mea in atria Domini; cor meum et caro mea exsultaverunt in Deum vivum.
versículo 4: Etenim passer invenit sibi domum, et turtur nidum sibi, ubi ponat pullos suos: altaria tua, Domine virtutum, rex meus, et Deus meus.
versículo 5: Beati qui habitant in domo tua, Domine; in sæcula sæculorum laudabunt te.
versículo 6: Beatus vir cuius est auxilium abs te: ascensiones in corde suo disposuit,
versículo 7: in valle lacrimarum, in loco quem posuit.
versículo 8: Etenim benedictionem dabit legislator; ibunt de virtute in virtutem: videbitur Deus deorum in Sion.
versículo 9: Domine Deus virtutum, exaudi orationem meam; auribus percipe, Deus Iacob.
versículo 10: Protector noster, aspice, Deus, et respice in faciem christi tui.
versículo 11: Quia melior est dies una in atriis tuis super millia; elegi abiectus esse in domo Dei mei magis quam habitare in tabernaculis peccatorum.
versículo 12: Quia misericordiam et veritatem diligit Deus: gratiam et gloriam dabit Dominus.
versículo 13: Non privabit bonis eos qui ambulant in innocentia: Domine virtutum, beatus homo qui sperat in te.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.