Psalterium · Vulgata Clementina
Salmo 84
Benedixisti, Domine, terram tuam
Numeração da Vulgata · Sl 84 (85 na numeração hebraica)
Coro I à esquerda · Coro II recuado
marcas de salmodia em revisão
versículo 2: Benedixisti, Domine, terram tuam; avertisti captivitatem Iacob.
versículo 3: Remisisti iniquitatem plebis tuæ; operuisti omnia peccata eorum.
versículo 4: Mitigasti omnem iram tuam; avertisti ab ira indignationis tuæ.
versículo 5: Converte nos, Deus salutaris noster, et averte iram tuam a nobis.
versículo 6: Numquid in æternum irasceris nobis? aut extendes iram tuam a generatione in generationem?
versículo 7: Deus, tu conversus vivificabis nos, et plebs tua lætabitur in te.
versículo 8: Ostende nobis, Domine, misericordiam tuam, et salutare tuum da nobis.
versículo 9: Audiam quid loquatur in me Dominus Deus, quoniam loquetur pacem in plebem suam, et super sanctos suos, et in eos qui convertuntur ad cor.
versículo 10: Verumtamen prope timentes eum salutare ipsius, ut inhabitet gloria in terra nostra.
versículo 11: Misericordia et veritas obviaverunt sibi; iustitia et pax osculatæ sunt.
versículo 12: Veritas de terra orta est, et iustitia de cælo prospexit.
versículo 13: Etenim Dominus dabit benignitatem, et terra nostra dabit fructum suum.
versículo 14: Iustitia ante eum ambulabit, et ponet in via gressus suos.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.