Psalterium · Vulgata Clementina
Salmo 85
Inclina, Domine, aurem tuam
Numeração da Vulgata · Sl 85 (86 na numeração hebraica)
Coro I à esquerda · Coro II recuado
marcas de salmodia em revisão
versículo 1: Inclina, Domine, aurem tuam et exaudi me, quoniam inops et pauper sum ego.
versículo 2: Custodi animam meam, quoniam sanctus sum; salvum fac servum tuum, Deus meus, sperantem in te.
versículo 3: Miserere mei, Domine, quoniam ad te clamavi tota die;
versículo 4: lætifica animam servi tui, quoniam ad te, Domine, animam meam levavi.
versículo 5: Quoniam tu, Domine, suavis et mitis, et multæ misericordiæ omnibus invocantibus te.
versículo 6: Auribus percipe, Domine, orationem meam, et intende voci deprecationis meæ.
versículo 7: In die tribulationis meæ clamavi ad te, quia exaudisti me.
versículo 8: Non est similis tui in diis, Domine, et non est secundum opera tua.
versículo 9: Omnes gentes quascumque fecisti venient, et adorabunt coram te, Domine, et glorificabunt nomen tuum.
versículo 10: Quoniam magnus es tu, et faciens mirabilia; tu es Deus solus.
versículo 11: Deduc me, Domine, in via tua, et ingrediar in veritate tua; lætetur cor meum, ut timeat nomen tuum.
versículo 12: Confitebor tibi, Domine Deus meus, in toto corde meo, et glorificabo nomen tuum in æternum:
versículo 13: quia misericordia tua magna est super me, et eruisti animam meam ex inferno inferiori.
versículo 14: Deus, iniqui insurrexerunt super me, et synagoga potentium quæsierunt animam meam: et non proposuerunt te in conspectu suo.
versículo 15: Et tu, Domine Deus, miserator et misericors; patiens, et multæ misericordiæ, et verax.
versículo 16: Respice in me, et miserere mei; da imperium tuum puero tuo, et salvum fac filium ancillæ tuæ.
versículo 17: Fac mecum signum in bonum, ut videant qui oderunt me, et confundantur: quoniam tu, Domine, adiuvisti me, et consolatus es me.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.