Psalterium · Vulgata Clementina
Salmo 90
Qui habitat in adiutorio Altissimi
Numeração da Vulgata · Sl 90 (91 na numeração hebraica)
Coro I à esquerda · Coro II recuado
versículo 1: Qui habitat in adiutorio Altissimi, * in protectione Dei cæli commorabitur.
versículo 2: Dicet Domino: Susceptor meus es tu, et refugium meum; * Deus meus, sperabo in eum.
versículo 3: Quoniam ipse liberavit me de laqueo venantium, * et a verbo aspero.
versículo 4: Scapulis suis obumbrabit tibi, * et sub pennis eius sperabis.
versículo 5: Scuto circumdabit te veritas eius: * non timebis a timore nocturno;
versículo 6: a sagitta volante in die, a negotio perambulante in tenebris, * ab incursu, et dæmonio meridiano.
versículo 7: Cadent a latere tuo mille, et decem millia a dextris tuis; * ad te autem non appropinquabit.
versículo 8: Verumtamen oculis tuis considerabis, * et retributionem peccatorum videbis.
versículo 9: Quoniam tu es, Domine, spes mea; * Altissimum posuisti refugium tuum.
versículo 10: Non accedet ad te malum, * et flagellum non appropinquabit tabernaculo tuo.
versículo 11: Quoniam angelis suis mandavit de te, * ut custodiant te in omnibus viis tuis.
versículo 12: In manibus portabunt te, * ne forte offendas ad lapidem pedem tuum.
versículo 13: Super aspidem et basiliscum ambulabis, * et conculcabis leonem et draconem.
versículo 14: Quoniam in me speravit, liberabo eum; * protegam eum, quoniam cognovit nomen meum.
versículo 15: Clamabit ad me, et ego exaudiam eum; cum ipso sum in tribulatione: * eripiam eum, et glorificabo eum.
versículo 16: Longitudine dierum replebo eum, * et ostendam illi salutare meum.
doxologia: Gloria Patri, et Filio, * et Spiritui Sancto.
doxologia: Sicut erat in principio, et nunc, et semper, * et in sæcula sæculorum. Amen.