Psalterium · Vulgata Clementina
Salmo 96
Dominus regnavit: exsultet terra
Numeração da Vulgata · Sl 96 (97 na numeração hebraica)
Coro I à esquerda · Coro II recuado
marcas de salmodia em revisão
versículo 1: Dominus regnavit: exsultet terra; lætentur insulæ multæ.
versículo 2: Nubes et caligo in circuitu eius; iustitia et iudicium correctio sedis eius.
versículo 3: Ignis ante ipsum præcedet, et inflammabit in circuitu inimicos eius.
versículo 4: Illuxerunt fulgura eius orbi terræ; vidit, et commota est terra.
versículo 5: Montes sicut cera fluxerunt a facie Domini; a facie Domini omnis terra.
versículo 6: Annuntiaverunt cæli iustitiam eius, et viderunt omnes populi gloriam eius.
versículo 7: Confundantur omnes qui adorant sculptilia, et qui gloriantur in simulacris suis. Adorate eum omnes angeli eius.
versículo 8: Audivit, et lætata est Sion, et exsultaverunt filiæ Iudæ propter iudicia tua, Domine.
versículo 9: Quoniam tu Dominus altissimus super omnem terram; nimis exaltatus es super omnes deos.
versículo 10: Qui diligitis Dominum, odite malum: custodit Dominus animas sanctorum suorum; de manu peccatoris liberabit eos.
versículo 11: Lux orta est iusto, et rectis corde lætitia.
versículo 12: Lætamini, iusti, in Domino, et confitemini memoriæ sanctificationis eius.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.